In custu libru Valeria Siniscalchi, antropòloga, e Franco Zecchin, fotògrafu, scrucùlliant is dinàmigas de sa produsidura de casu in Sardìnnia, ca nci ant fatu una circa intru de su 2011 e su 2025. Duus acòstius etnogràfigus diferentis: Valeria Siniscalchi cun is ainas cràssigas de su traballu a campu cumenti est in s’antropologia – cadelamentu, diàlogus e interbistas – e Franco Zecchin cun d-un’ogu fotogràfigu atenta a sa bisura sotziali. Ita si donant custuas duas miradas diferentis? Ita bit su fotògrafu chi pigat sa màgini cumenti aina po scruculliai e contai? S’antropologa chi cadelat e pigat parti ita cumprendit? S’arrexoni de sa circa est su mundu incolliosu de sa produsidura de su Fiore sardo, una de is tres calidadis de casu DOP de Sardìnnia. Prus a strintu, is duus autoris scuberint is maneras de parodusi de is pastoris, is tirantzas in is cunsòrtzius, is arrelatas cun is siendas industrialis e sa faina de assòtzius internatzionalis cumenti Slow Food. Ant chistionau cun pastoris, industrialis, obràrgius, tènnigus, intregadoris, veterinàrius, cumerciadoris, grussistas e ativistas, po custu traballu a pitzus de sa vida sotziali, econòmiga e polìtiga de su casu de brebei sardu.  custu traballu a pitzus de sa vida sotziali, econòmiga e polìtiga de su casu de brebei sardu.